Една овца беше поштедена од колење затоа што изведе бегство во стилот на Џемс Бонд напуштајќи ја фармата.
Овцата Мајфанвеј скокна во езеро, пливаше три километри и стаса до еден остров.
На стопанот му требаа шест недели за да ја најде и врати Мајфанвеј во стадото.
Овцата требаше да биде продадена на пазарот како месо, но по спектакуларното бегство стопанот-фармер одлучи да ја чува како љубимица.
Овчарот Робинсон изјави: „Ја оставив шест недели затоа што бевме зафатени со ојагнување, потоа земав чамец до островот. Кога се обидов да се доближам до неа, стана тешко...таа сакаше да плива назад“.v

Вечерва во СБЦ арената во Сан Антонио, ќе започне 59. издание на финалето во НБА-лигата, во коешто ќе се сретнат Сан Антонио спарс и актуелниот шампион Детроит пистонс.
Во своето 36. плејоф учество, Детроит стигна до финалето откако со Мајами одигра макотрпна серија од седум натпревари, што значи дека ќе влезе изморен против "мамузите", кои се закитија со титулата пред две сезони. Поради подобриот скор во победи во регуларниот дел од сезоната, Сан Антонио ќе ја има предноста на домашен терен, а серијата ќе се игра по системот 2-3-2.
Овие два тима се најдобрите дефанзивни состави во целата лига, а токму одбраната им помогна да ги елиминираат далеку поофанзивните Мајами и Феникс, кои беа најпосакуваната двојка за големото финале во американската кошаркарска јавност. Интересни ќе бидат директните дуели на актерите од првите петорки. Доберманот Брус Боувен ќе му се "залепи" на Ричард Хемилтон, првиот стрелец на Детроит. Тим Данкан им одржа лекција по центарска игра на Шон Мерион и на Амари Стадемаер од Феникс, но овојпат ќе има големи проблеми со тандемот Волис - Волис. Рашид мисли на нападот, а Бен е најдобриот одбранбен играч во последните пет години во НБА. Клучна улога ќе одиграат долгите клупи. Кај Сан Антонио тоа се Малик Роуз, Роберт Хори и Брент Бери, а Детроит ги има Елдин Кембел, Антонио Мекдајс и Линдзи Хантер.
Двајцата тренери, Лери Браун и Грег Попович, се одлични пријатели и практикуваат слична филозофија на теренот, а тоа е форсирање брзи и лесни поени во што пократок напад.
Според аналитичарите, ова финале е досега најизедначеното и најнеизвесното, бидејќи статистиката на двата тима во сите категории, екипно и индивидуално, е речиси еднаква.

На Земјата и се заканува катастрофа како онаа што е опишана во холивудскиот филм “Длабок удар“ (Deep Impact), предупредуваат научниците.

Катастрофите во вид на удар од метеори, џиновски бранови и ерупции сериозно би можеле да му наштетат на човештвото во наредните години. Потенцијална закана, на која научниците во последно време обрнуваат внимание, е огромниот „несигурен камен“ на вулканскиот остров Ла Палма, во групата Канарски Острови.

Активниот вулкан Кумбре Вијеха

Станува збор за дел од островот со должина од околу 53, а ширина околу 20 километри, кој полека се лизга кон океанот, па постои опасност нагло да се отцепи во водата и да создаде разорувачки „мегацунами“, кој би направил пустош по должината на брегот на северна Америка, Велика Британија и Африка, и тоа за само неколу часа. Причина за наглото отцепување на дел од островот Ла Палма во Атлантикот може да биде ерупција на активниот вулкан Кумбре Вијеха кој може да експлодира секој момент.

Научниците предупредуваат дека брановите што ќе ги создаде „мегацунами“ би достигнале висина од 100 метри, би се движеле со брзина од околу 900 км/ч и би ги загрозиле животите на околу сто милиони луѓе. Компјутерската симулација на можни катастрофи покажала дека таков бран за неколку часа буквално би можел да го разурне западноафриканскиот брег.

Експертите напоменуваат дека и ударот на „не многу голем вселенски камен“ е поразорен од која било нуклеарна бомба

Најголемата опасност за човештвото доаѓа од можни удари на астероиди. Експертите напоменуваат дека и ударот на „не многу голем вселенски камен“ е поразорен од која било нуклеарна бомба од арсеналот на САД. За санирање на оваа опасност се прават огромни напори, па Европската и Американската вселенска агенција планирале мисии со цел да се тестира движењето на астероидите и кометите, кои би можеле да се судрат од Земјата

Објавувањето на веста за лансирање на нова вселенска мисија на Марс, на научниците им овозможува да продолжат со подготовките за лансирањето кое треба да се случи во 2007 година.

„Лендерот“ ќе се спушти на тлото на Марс во северниот поларен регион за да ја истражува климата, геологијата и секако да бара знаци на поранешен живот.

Роботската рака ќе го раскопува слојот од мраз кој е на површината Марс за да испорача примероци на палубата на лендерот.

Главниот научен истражувач на „Фоникс“, Питер Смит, објасни дека мисијата може да придонесе за евентуално откритие на тоа дека порано на соседната планета имало живот.

Доколку леталото биде лансирано во август 2007 година, тогаш тоа ќе се задржи релативно долго на Марс до мај 2008 година.

Ова не е прво летало кое треба да го испитува поларниот дел на Марс. Првото се изгуби откако влезе во атмосферата на оваа планета во 1999 година.

Корпорацијата „Шарп“ ќе почне со продажба на 65-инчен телевизор со со екран од течен кристал (ЛЦД), што ќе биде најголемиот телевизор на светот.
„Шарп“ кои инаку е и најголем производител на ЛЦД телевизори веќе продава 45 инчен модел и планира своето производство да го насочува во тој правец. Односдно да произведува телевизори со екрани поголеми од 40 инчи.
Компанијата која е лоцирана во Осака објави дека ова 65-инчно чудо ќе почне да се продава во август годинава по цена од 15 520 долари.

Оваа цена на „Шарп“ телевизорот иако изгледа многу висока, сепак за таа класа телевизори претставува достоен притисок за останатите производители. На пример 55-инчниот ЛЦД телевизор чини 19 000 долари.
Во САД на пример можат да се најдат плазма-телевизори со екран од 60 инчи за цена пониска од 10 000 долари.
Кореанците од друга страна преку „Самсунг“ ветуваат 82-инчен ЛЦД телевизор.

Вселенската сонда Deep Impact (Дип Импакт) успешно ја фотографираше кометата Темпл 1 (Tempel 1), која треба да ја „нападне“ ова лето.

Фотографијата е направена на растојание од 63,8 милиони километри, и самата по себе претставува потврда дека леталото се наоѓа на вистинскиот пат за средбата која треба да се случи на 4 јули.

Веќе од почетокот на мај, тимот кој работи на оваа мисија врши секојдневни набљудувања на кометата, па се очекуваат и многу поимпресивни и подетални фотографии, како што со секој миг растојанието помеѓу Deep Impact и Темпл 1 се намалува.

Мисијата Deep Impact е вредна 330 милиони долари, а треба да кулминира на почетокот од јули, кога од леталото ќе се одвои проектил натоварен со експлозив, кој пак, треба да се судри со телото на кометата на 4 јули. Планот е да се дознаат што е можно повеќе информации за составот на кометата и нејзината површина од мерењата кои ќе ги направи проектилот пред самиот удар, како и од снимките кои, за време на целиот настан, ќе ги прави сондата Deep Impact.

Сепак, никој не знае што точно ќе се случи и колку прецизно ќе може да се изведат мерењата, со оглед на тоа што ова е прва мисија од ваков тип воопшто. За секој случај, настанот ќе биде сниман и од неколку опсерватории на Хаваи, како и од Хабл и Спицер.

Мерцедес Бенз за своите купувачи смисли одличен подарок. Станува збор за мултифункционален рачен часовник. Благодарение на одличниот механизам часовникот точно го покажува времето, но освен тоа сребреното чудо за на рака, претставува МР3 плеер, има USB- кабел, и мобилен телефон. Часовникот има 512 МВ меморија што овозможува осумчасовно слушање музика.
Новата направа што потсетува на оние што ги носи Џејмс Бонд во филмовите за агентот 007 лесно се поврзува со персонални сметачи и лап-топови. Упатството за употреба се наоѓа на http://www.laks.com/mercedes_mp3_onlinemanual.
Литиумската батерија, изворот на енергија за работа на часовникот, автоматски се полни, доколку часовникот е поврзан со компјутер преку „“. Батеријата се полни максимум за дава часа.
Часовникот има можност да снима говор во време траење од 36 часа.